La radunonza generala 2021 dalla Surselva Romontscha ha liug ell’anteriura casa da scola a Flem (sper casa communala), ils 27 d’uost allas 19.30. Nus entschevin cun la presentaziun dil cudisch «Oranja» da Stella Sennhauser. La radunonza sco tala entscheiva gest suenter la presentaziun entuorn las 20.00. Suenter dat ein in pign aperitiv. L’invitaziun als commembers suonda entschatta uost e las tractandas vegnan publicadas el Fegl ufficial Surselva. Denter auter dat ei ina revisiun parziala dils statuts, l’elecziun dil commember SR ella suprastonza LR e la presentaziun dallas candidaturas pil presidi dalla Ligia Romontscha (elecziun ils 30 d’october).