Miu gidonter
Engrondir e francar il scazi da plaids
gliestas tematicas da plaids fundamentals
construcziuns semplas tier mintga tematica
biling sursilvan – tudestg
cartoteca digitala cun varga 1300 cartas da plaids
engrondir e francar il scazi da plaids en omisdus lungatgs
«in gidonter» per tut ils scalems da scola
fotografias en colur
Einfacher Romontsch sursilvan lernen
thematischer Grundwortschatz
einfache Sätze zu jedem Thema
zweisprachig Romontsch sursilvan – Deutsch
ideal für Beginner und zur Wortschatzerweiterung
über 1300 digital Lernkarteikärtchen
Aussprachhilfe für alle Wörter via OR-Codes
Farbfotos
Pagina d’emprova / Beispielseite
autura: Laura-Alessia Arpagaus
2022, Surselva Romontscha
ISBN-13: 978-3-03900-921-3
Prezi: frs. 20.00
(ed. Surselva Romontscha 2022)
Nies Tschespet 78 / L’odur dalla tiara
“Nies Tschespet” nr. 78 ei il resultat dalla lavur intellectuala da pliras auturas e plirs auturs sursilvans. El ei ein cudisch variont cun prosa e lirica, da scribentas e scribents da differentas generaziuns. Las suandontas auturas ed ils suandonts auturs scrivan en quest’ediziun da “Nies Tschespet”: Maria Cadruvi, Iso Camartin, Linard Candreia, Paula Casutt-Vincenz, Felix Giger, Hubert Giger, Leontina Lergier-Caviezel, Alexander Maissen, Arnold Spescha, Rico Tambornino e Leo Tuor.
Vinavon cumparan era texts da prosa nunedi da Theo Candinas ed entginas poesias ord il relasch da Flurin Camathias en quei tom. L’artista sursilvana Tresa Deplazes Caspescha ha fatg purtrets cun rispli da mintga autura ed autur aposta per quei cudisch.
2021, Surselva Romontscha
Numer d’empustaziun: 978-3-03900-920-6
Prezi: frs. 25.00
(ed. Surselva Romontscha 2021)
Oranja
Onns alla liunga vegn la giuvna Oranja trenada el zuppau da Heron da cumbatter e da surviver. Pér cu ils schuldaus dil retg – in retg che haveva instituiu sesez – sblundregian Heron, intervegn ella il ver motiv da sia scolaziun e la verdad da sia derivonza. Oranja ei surprida e surdumandada da sia nova responsabladad. Perquei eis ella fetg engrazieivla d’anflar sustegn dil giuven guerrier Tharon. Suenter lur emprova zun riscada da salvar Heron, para tut dad esser piars. Mo gest cu ei fa la pareta ch’Oranja ei buca capavla da dumignar ils pensums che siu destin pretenda dad ella, anflan els dus ina nova allianza. Communablamein cun lur novs cumpogns semettan Oranja e Tharon sin via per liberar lur pievel ord la tirannia dil crudeivel retg.
autura Stella Sennhauser
translaziun Sabina Candinas-Caduff
cudisch billing sursilvan – tudestg
2021, Surselva Romontscha
ISBN-13: 978-3-03900-919-0
Prezi: frs. 20.00
(ed. Surselva Romontscha 2021)
Empustar tier la Lia Rumantscha
Emilia ed ils quens
Igl ei dumengia allas tschun e mesa ed Emilia sesa sin in baun e mira giu sil vitg. La davosa mes’ura eis ella cursada entuorn cun siu velo senza studegiar co e cum. Ir cun velo gida d’emblidar ils quitaus ch’Emilia fa savens la dumengia sera avon che la nova jamna da scola entscheiva.
Atgnamein va Emilia bugen a scola. Ella ha ina massa amitgs ed amitgas en sia 3. classa, sco era en autras classas. Ses roms preferi ein musica ed art, mo era lungatgs e sport fa ella bugen. Tut fuss super, sch’il scolast strihass mo quella coga lecziun da matematica.
Cun quellas lingias entscheiva il cudisch per affons che la Surselva Romontscha ha gest ediu. Nus vein grond plascher d’astgar presentar quel surtut cunquei che lectura sursilvana per affons ei scarta. Il cuntegn presenta differentas tematicas interessantas, sco per exempel difficultads en in rom da scola e co ir entuorn cun quellas. Plinavon ein tema da disdir, camerats che fan beffas, turpetg, ir a scola en ina classa pintga integrada, amicezia e la situaziun cun geniturs ch’ein sparti ulteriurs temas centrals en quei raquent.
La finfinala empren Emilia el decuors dil raquent era da veser tgei ch’ella sa far bein e co ins sa luvrar cun las atgnas fermezias. Entras quella varietad tematica e grazia al lungatg capeivel ei quei cudisch fetg adattaus per nossas scolas romontschas, denton era per diever privat. Il cudisch ei illustraus cun 14 maletgs en colur dall’autura Tonja Pelican.
Tonja Pelican
2019, Surselva Romontscha
ISBN-13: 978-3-03900-918-3
Prezi: frs. 15.00
(ed. Surselva Romontscha 2019)
La strietta
A caschun d‘ina radunonza generala dalla Surselva Romontscha ei vegniu fatg la proposta da restampar il cudisch „La strietta”. Quei cudisch ch’ei oriundamein vegnius screts digl autur Otfried Preussler ei franc enconuschents als biars. In “classicher” denter ils cudischs d’affons ch’ei gia vegnius translataus en 47 lungatgs. Denter auter era en Sursilvan. Ils davos onns ei il cudisch denton staus exausts. Nus selegrein da puspei saver porscher quella biala lectura a nos affons ed ad in ni l’auter carschiu.
Mo seregurdeis vus aunc dil cuntegn dil cudisch? La strietta viva cun siu quac Abraxas lunsch viaden egl uaul. Ella ha deplorablamein pér 127 onns, e perquei vegn ella buca acceptada dil tut dallas strias pli veglias. Per quei motiv astga ella era buca saltar ensemen cullas grondas strias al barlot dallas strias. Cunquei ch’ella ei aunc buc ina gronda stria, vul ella silmeins esser ina buna stria. Cun quella decisiun entscheiva denton gl’entir schischuri.
Otfried Preussler, Winnie Gebhardt-Gayler
translaziun: Ignazi Beer
4. ediziun 2019, Surselva Romontscha
ISBN 3-906680-44-1 (sursilvan)
Prezi: frs. 15.00
(ed. Surselva Romontscha 2019)
Nies Tschespet 77 – Verdads cun in surrir
Donat Cadruvi
Verdads cun in surrir ei la tiarza part dallas historias cuortas suenter O Dieus pertgiri (1990) ed Orembora (1993). Igl ei la raccolta da 64 historias e raquens, in viadi atras nies mund dil mintgagi, nossas relaziuns, ils discuors e debats en famiglias e vischnauncas, davon e davos casa.
Prezi: frs. 25.00
(ed. Surselva Romontscha 2018)
Nies Tschespet 76 – Ragischs
Alexander Maissen
l Tschespet 76 ei dedicaus allas poesias dad Alexander Maissen e vegn accumpignaus da maletgs en rispli dad Armin Albin. Omisdus han ragischs a Dardin.
Maissen presenta poesias pil mintgadi; el raquenta da persunas ch’el ha entupau e da schabetgs contemporans; el contempla la natira sursilvana ed il mund muntagnard; el fa patratgs, era critics, sur da progress e societad.
prezi: frs. 15.00
(ed. Surselva Romontscha 2016)
Floret
Aventuras d’in aviul
Floret ha bugen las flurs. El viva en in ualer en la scaffa numera 9 aunc cun circa 30 melli aviuls: ina regina, ils luvrers ed in triep gross. Ils gross ein ils aviuls masculins. El ei naschius pér avon paucs dis. El ha aunc buca da far grondas lavurs. Cun aviuls da siu pèr ha el da luvrar en scaffa. Els han da scuar, da schubergiar las cellas dallas patgnas, da far tschera, da purtar aua e perver las poppas.
Floret ei in cudisch d’affons screts da Bistgaun Cathomen da Dardin. Barbara Albin da Breil ha translatau quella biala historia en tudestg.
L’illustraziun dil cudisch deriva digl artist Linus Flepp da Mustér.
niev: versiun sursilvan-tudestg
prezi: frs. 20.00
(ed. Surselva Romontscha 2017)
Ei catscha dis / Der Tag bricht an
Arnold Spescha
In cudisch da poesias
prezi: frs. 28.00
(ed. Surselva Romontscha 2016)
Aunghel, lieur, capetscha da misarocla…
e 24 historias d’advent
Ina sera cupetga in aunghelet cun ina capetscha da misarocla giu da tschiel. El ei alla tscherca dil schenghetg dils schenghetgs e la veglia lieur savess forsa gidar ad anflar el.
Las 24 historias d’advent d’auturas e d’auturs enconuschents, elegidas da Brigitte Weninger, cun illustraziuns fascinontas ei in bi schenghetg per mintga di ed in calender d’advent per preleger e leger sez.
Puspei en vendita
Restampa 2015
prezi: frs. 25.00(ed. Surselva Romontscha 2002/2015)
Il Vamperlin
“Na, quei dat ei gie buc!”, di Dunna Lucia cura ch’ella anfla in pign vampir en sia habitaziun. Suenter haver muganau igl emprem sterment sedecida ella da nutrir il Vamperlin cul guoter – naturalmein cun latg, buca forsa cun saung. Aschia crescha il pign vampir e sviluppescha qualitads nunusitadas. Il Vamperlin ei numnadamein immediat el liug sch’in carstgaun daventa vilaus e nauschs. El dat ina piztgada al furius e tschetscha ora il tissi dil fèl.
prezi: frs. 10.00
(ed. Surselva Romontscha 2015)
Frars Grimm – Las praulas (set)
Ina collecziun da las pli bialas praulas e fablas dils frars Grimm. Praulas che perdan mai lur magia. – In accent special da quest’ediziun ein las numerusas illustraziuns fatgas cun gronda premura tochen el pli pign detagl. Ellas dattan veta a las figuras da las praulas e sveglian la fantasia da quel e quella che legia ellas.
prezi: frs. 35.00 (cudisch + dc)
(ed. Surselva Romontscha 2013)
Empustar tier Lia Rumantscha
Romontsch – ina schanza unica
Il suandont cudisch presenta vias da viver il romontsch en famiglia e scola, dat sclariment scientific e tips pratics pil mintgadi. Ultra da quei porscha el in grond scazi da canzuns e versets romontschs ch’ins sa cantar, preleger e – cun agid dil disc cumpact – schizun tedlar.
prezi: frs. 20.00
(ed. Surselva Romontscha 2011)
Bloc da far cumissiuns
(ed. Surselva Romontscha 2010)
Sa vegnir retratg tier la Surselva Romontscha.
Canzuns pil temps da Nadal
prezi: frs. 10.00
(ed. Surselva Romontscha 2010)
Nies Tschespet 75: Miu pli bi plaid romontsch…
Nies Tschespet 75 ei vegnius edius igl atun 2009 sut il motto “Miu pli bi plaid romontsch…”. Persunas da tuttas vegliadetgnas, domenas e valladas che vivan ed han contact intensiv cul romontsch presentan lur pli bi plaid romontsch. E cun filosofar davart custeivladads sco “MIULA”, “CLINÖZ” e “BRAMA” fan els attents alla bellezia immensa dil romontsch, sveglian regurdientschas melodiusas e cudezzan in surrir sillas levzas da quel che reflectescha e legia…
prezi: frs. 15.00
(ed. Surselva Romontscha 2009)
Ei dat ils muments da pass lev –
Zeiten leichtfüssigen Schritts Arnold Spescha
poesias romontschas e tudestgas
prezi: frs. 32.00
lungatg: romontsch e tudestg
editurs: Limmat Verlag, Turitg & Surselva Romontscha
Nies Tschespet 74: Il temps dellas tschereschas
Ursicin G. G. Derungs
Per miu cumiau sundel ius cun bruoder Philipp de Nossadunnaun, in um sabi e ordvart practic e human, ella trattoria sarda de via Principe Eugenio, damaneivel della stazione Termini, enconuschenta per ses vins sards, per beiber in migiel. Ei era in vin dultsch, migeivel e ferm, d’ina colur sereina de graun madir, in Malvasia della Sardegna, in davos radi dil sulegl d’Italia avon che prender cumiau.
prezi: frs. 15.00
(ed. Surselva Romontscha)
Reminiscenzas
Giusep Maissen 1906-1963
Gia 1933 cumpona el in’emprema versiun da Reminiscenzas (text Giacun Hasper Muoth), quell’ovra ch’ei daventada culs onns in hit pils chors virils. E gia quella canzun demuossa la vart introvertada, lirica, gie bunamein ascetica da Giusep Maissen…
Prezi: frs. 25.00
Nies Tschespet 73: Settembrini
Leo Tuor
Scriver duessi in catschadur mai. Mo buca vegnir sin l’idea da scriver. Scriver seigi aunc ina caussa pli dubiusa che cuer ora cavazzas. In cudisch da catscha seigi screts suenter diesch paginas e tschei stuessien ins emplenir cun maletgs per vegnir sin in volumen andant. Bien, en in lungatg periclitau dueigien era ils catschadurs scriver empau, pertgei tochen ch’ei vegni scret seigi il lungatg buca morts, ils tiers vivs, ed ils catschadurs hagien buca la mendra fantasia.
prezi: frs. 15.00
idiom: sursilvan
(ed. Surselva Romontscha 2006)
Nies Tschespet 71: Romana
Leontina Lergier-Caviezel
Romana cuntinuescha da contemplar la roscha celestiala, las vestas rodundas ed ils tappuns neidis e pren gnanc peda da far quitaus pervia dil lavatgau ch’ella ha da spitgar suenter messa. In lavatgau ch’ei aschi segirs sco igl amen en baselgia.
exaust
(ed. Romania 2006)
Nies Tschespet 72: Il barun dalla Muota
Theo Candinas
Aschia ei aug Bert staus ina cronica e historia viventa. Denton ha el buca mo viult l’egliada anavos e ditgau il present, anzi ha adina era giu senn per las perspectivas egl avegnir ed ha predetg, sco profet, bia da quei ch’ei secumpleniu pér pli tard suenter sia mort. Sco aug Bert era vivius, eis el era morts, cul spért clar e serein, attents, veglionts e critics tochen la davosa fladada.
prezi: frs. 15.00
idiom: sursilvan
(ed. Romania 2006)