{"id":600,"date":"2020-07-09T10:03:34","date_gmt":"2020-07-09T10:03:34","guid":{"rendered":"https:\/\/www.surselva-romontscha.ch\/?p=600"},"modified":"2020-07-09T18:43:12","modified_gmt":"2020-07-09T18:43:12","slug":"niev-disc-cumpact-da-chiara-jacomet-e-band","status":"publish","type":"post","link":"https:\/\/www.surselva-romontscha.ch\/?p=600","title":{"rendered":"Niev disc cumpact da Chiara Jacomet e band"},"content":{"rendered":"\n

Chiara ei ina dallas pli interessantas representantas dalla generaziun giuvna romontscha. Buca mo ina vusch che ha da dir enzatgei, mobein er’ina vusch che sedistingua tras sia fermezia, sia colur loma e stgira. Siu emprem album ha survegniu il tetel “da mesanotg”. La band dalla cantadura ei pli probabel l’emprema “girlband” romontscha. Mo lur album da debut, cumparius ils 21 da december 2019, ei tut enzatgei auter che musica da “girls”. Las 10 novas canzuns da pop han il caracter da musica da sault, cumpeglian plinavon elements da jazz, ein frestgas sc\u2019ina prisa d’ina citrona, levas sco il vent e derasan la libertad d’ina notg da stad. <\/p>\n\n\n\n

Era la Surselva Romontscha ha susteniu quei project musical. Il DC sa vegnir cumpraus sut www.musicchiara.ch<\/a>.<\/p>\n\n\n\n

Musica da Chiara Jacomet san ins era tedlar sin Spotify<\/a>.<\/p>\n\n\n\n